Ерөнхий сайд Л.Оюун-Эрдэнийн хүү О.Тэмүүлэнгийн найз охин Ө.Өгөөмөрийн төрсөн өдрийн бэлгээ гайхуулж, "онгирсон" сторинууд олон нийтийн дургүйцлийг хүргэж, шүүмжлэл дагуулаад байна. Ерөнхий сайдын 20-хон настай хүү найз охиндоо төрсөн өдрөөр нь 12,5 сая төгрөгийн Dior цүнх, 20 сая төгрөг бэлэглэсэн гэх дуулиан дэгдэж, хардлага төрүүлсэн учир олон нийт орлогоо нотлохыг шаардаж буй юм.

Улмаар Ө.Өгөөмөрийг С.Эрдэнийн охин, Ц.Өгөөдэй түүний хойд эцэг гэх постер цацагджээ. Тэгвэл уг асуудалд Чикаго хотод суух дэд консул С.Эрдэнэ "За энэ бол арай шүү. Жоохон багцаатай үлээгээрэй" хэмээн байр сууриа илэрхийлжээ.