УИХ дахь МАН-ын бүлгийн хуралдаанаар Ерөнхий сайдын асуудлаар хэлэлцэж, МАН-ын Удирдах зөвлөлийг хуралдуулах эсэх асуудалд хөндөгджээ. Удирдах зөвлөлийг хуралдуулах эсэх асуудалд гишүүдийн байр суурь нь харилцан адилгүй байгаа аж.

Тухайлбал УИХ-ын гишүүн Б.Энхбаяр "Ерөнхий сайд намын УЗ, Бага хурлыг хуралдуулах асуудлыг хөндөж ярьсан. Хариуд нь би "Таны гэр бүл, үр хүүхэдтэй холбоотой асуудлыг хөндөж ярих гэж байгаа бол ЗӨВШӨӨРӨХГҮЙ. Намын хамт олон таны гэр бүл, хүүхэдтэй холбоотой асуудлыг нийтээрээ ярьж, санал хураадаг байгууллага биш. Өөрийнхөө асуудлыг нийтийн зовлон болгох хэрэггүй" гэсэн байна.

Харин УИХ-ын гишүүн, МАН-ын УЗ-ийн гишүүн А.Ариунзаяа "МАН-ын УЗ ойрын хугацаанд хуралдаж, намын бага хурлын товоо гарган хуралдуулж, хамтарсан Засгийн газрын асуудлыг авч хэлэлцэхээр болсон" гэдгийг мэдэгдсэн юм.