Нийслэлийн статистикийн газраас долоо хоног бүр өргөн хэрэглээний бараа бүтээгдэхүүний үнэ ханшийн мэдээллийг танилцуулдаг. Статистик мэдээллээр, өнгөрсөн долоо хоногт төмснөөс бусад ногооны үнэ 0.8-8.7 хувь хүртэл өссөн байна.

Тухайлбал, хүрэн манжин 3.8 хувиар өсөж 4432 төгрөг болсон бол Монгол луувангийн үнэ хамгийн өндөр буюу 8.7 хувиар өсөж килограмм нь 3613 төгрөг болжээ. Мөн Монгол сонгино 6.5 хувиар өсөж 4444 төгрөг, Монгол байцаа 0.8 хувиар өсөж 3210 төгрөгийн үнэтэй байлаа.