Хар тамхи мансууруулах бодистой холбоотой гэмт хэргийн нөхцөл байдлын талаар цагдаагийн байгууллагаас мэдээлэл хийлээ. Энэ үеэр, ЦЕГ-ын Урьдчилан сэргийлэх газрын Хэвлэл мэдээлэл, олон нийттэй харилцах хэлтсийн дарга, цагдаагийн дэд хурандаа Г.Пүрэвдэлгэр, "Их хэмжээний мансууруулах бодисыг Дархан-Уул аймгаас хууль бусаар олж авч, Улаанбаатарт худалдан борлуулдаг Монгол Улсын иргэн нэр бүхий таван этгээдийг энэ сарын 4-нд дайчлан баривчилж, мөрдөн байцаах ажиллагааг явуулж байна. Тус хэрэгт эмнэлгийн байгууллагын ажилтан оролцсон байж болзошгүй" гэлээ.