Өнгөрсөн шөнө буюу 2024 оны 01 дүгээр сарын 22-ноос 23-нд шилжих шөнө Онцгой байдлын газар эрэн хайх аврах ажиллагааны 2 дуудлага хүлээн авч Мандалговь-Эрдэнэдалай, Улаанбаатар-Эрдэнэдалай чиглэлд зорчиж явсан 2 тээврийн хэрэгсэлтэй 5 хүнийг авран хамгаалж ажиллалаа. Нийт нутгаар цасан бүрхүүл тогтож, орон нутгийн зам хөдөлгөөн үйлдэхэд хүндрэлтэй байгаа тул иргэн та бүхэн шөнийн цагаар хөдөлгөөн үйлдэхгүй байх, тээврийн хэрэгслийн бүрэн бүтэн байдлыг хангаж, шатахууны нөөцтэй явах, дулаан хувцаслаж хөлдөж, осгох эрсдэлээс өөрийн амь нас эрүүл мэндээ хамгаална уу.