Хөрөнгө оруулалтын тухай хуулийг УИХ-ын чуулганы үдээс өмнөх хуралдаанаар хэлэлцлээ. Энэ үеэр Засгийн газрын зарим гишүүд уг хуулийг багагүй эсэргүүцсэн юм. Тухайлбал, ХХААХҮ-ийн сайд Х.Болорчулуун дараах байр суурийг илэрхийлэв. Тэрбээр,

"Хуульд босго байх ёстой. Хөрөнгө оруулалтын хуулийн босгыг нь авч хаяснаар аюул дагуулж байна. Магадгүй 10 жилийн дараа монголчууд газар нутаг дээрээ цөөнх болоод явж байхыг үгүйсгэх арга алга" гэлээ.

Харин Эдийн засаг, хөгжлийн сайд Ч.Хүрэлбаатар "Улс орноо хөгжүүлмээр байна, Х.Болорчулуун сайд аа. Та бид 2 нэг Засагт сууж байгаа. Таны хариуцсан салбарын өсөлт 8 хувиар буурсан байна" хэмээн хариу тайлбар хийв.