Америкийн албан ёсны хөгжмийн нийгэмлэгээс анх удаа The Hu хамтлаг “Алтан Рекорд” шагнал хүртсэн байна. Энэ талаар Хү хамтлаг албан ёсны цахим хуудсаараа дамжуулан,
"Хү хамтлагийн зүгээс бүх Монголчууддаа шинэ оны мэндийг хүргэе. Үргэлж дэмждэг та бүхнийхээ хүчээр 2024 оноо Америкийн албан ёсны хөгжмийн нийгэмлэгээс (Recording Industry Association of America (RIAA)) “Алтан Рекорд” Чонон Сүлд дуундаа хүлээн авлаа. Энэхүү дуугаараа бид Хүннү Рок хөгжмийн урсгалыг дэлхийд тунхаглан Монгол Улсаас хамгийн анхны удаа “Алтан Рекорд” авч салхийг хагалаж байна. Ар араас нэмэгдэх рекордсыг тэсэн ядан хүлээж байна. Та бүхэндээ сайхан мэдээ, зүрх булиглуулсан дуунуудаар ирэх ондоо мэндчилэх болно" хэмээжээ.
