Сүхбаатар дүүргийн цагдаагийн газраас тус дүүргийн 8 дугаар хороо, "I Loft" нэртэй баарны гадна иргэн “А”, “Г” нар нь 2023 оны 11 дүгээр сарын 28-ны өдөр бусадтай хэрүүл маргаан үүсгэж, улмаар хутга, хийн буу гаргаж танхайрсан үйлдэлд шалгалтын ажиллагаа явуулжээ.

Зөрчлийн тухай хуулийн 5.2 дугаар зүйлд зааснаар шийтгэл оногдуулах саналтай Сүхбаатар дүүргийн Эрүүгийн хэргийн анхан шатны шүүхэд 2023 оны 12 дугаар сарын 11-ний өдөр шилжүүлсэн талаар өмнө нь мэдээлж байсан. Шүүхээс дээрх этгээдүүдэд тус бүр 100 нэгж буюу 100,000 төгрөгөөр торгох шийтгэл оногдуулжээ.