УИХ-ын чуулганы нэгдсэн хуралдаан эхэллээ. Хуралдааны эхэнд, УИХ-ын гишүүн С.Ганбаатар үг хэллээ. Тэрбээр, "Сэтгүүлч Н.Өнөрцэцэг надад захидал ирүүлсэн. Би хувь хүний тухай болон зөв буруугийн тухай ярихгүй. Эрх баригчид сэтгүүл зүйн салбар, сэтгүүлчийн мэдээ мэдээллээ хэвлэн нийтлэхтэй нь холбогдуулан, хууль хяналтын байгууллагад гомдол гаргаж, айлгаж ичээх асуудал гарсан байна. Үүнийг хэлэлцэх асуудалд оруулж ярих хэрэгтэй байна" гэлээ.
Харин УИХ-ын дарга Г.Занданшатар, "Байнгын хороодоор хэлэлцсэн асуудлууд энд орж ирдэг. Хэлэлцэх асуудлын тов дараалалд байхгүй асуудлыг өнөөдөр ярихгүй" гэх хариултыг өглөө.
