“Үндэсний номын баяр” Жанжин Д.Сүхбаатарын талбайд үргэлжилж байна. 34 дэх удаагаа зохион байгуулагдаж буй уг “Үндэсний номын баяр”-т Үндэсний Статистикийн Хороо оролцож байна. Тодруулбал, ҮСХ цахим болон хэвлэмэл бүтээгдэхүүнүүдээ танилцуулан үнэгүй тархааж, статистикийн боловсрол олгох хүрээнд сонирхолтой асуулт, хариултын тэмцээн зохиож, хэрэглэгчдийн сонирхсон мэдээ, мэдээллээр хангаж байна.
Энэ удаагийн номын баярт БНХАУ-ын нэрт зохиолч Үй Хуа, ОХУ-ын утга зохиол судлаач, шүүмжлэгч Павел Басинский, Халимагийн түүхч Захаров Басан зэрэг гадаадын онцлох зочид, төлөөлөгчид хуран цуглажээ.
