ЦЕГ-аас цаг үеийн нөхцөл байдалтай холбогдуулан мэдээлэл хийлээ. Энэ үеэр ТЦА-ны дарга, хурандаа О.Ганбат "Иргэдийнг баривчилгаа гэж ойлгоод байгаа нь иргэдийг эмнэлгийн байгууллагад албадан хүргэх зохицуулалтууд байсан. Жагсагчдын нэг иргэн нь осголтын шинж тэмдэг илэрсэн. 8 иргэнийг Төрийн тусгай албан хаагчийн эмнэлэг хүргэсэн боловч ихэнх нь эмчилгээ хийлгэхээс татгалзсан гэх мэдээллийг авсан. 19 иргэнээс хоёр нь эмэгтэй байсан. Өөрсдийнх нь хүсэлтээр ар гэрт нь хүлээлгэн өгсөн. Насанд хүрээгүй хүүхэд байсныг ар гэрт нь болон хүүхэд хамгааллын байгууллагад хүргэсэн. Жагсагч иргэдээс согтууруулах ундаа болон хар тамхины бодис хэрэглэсэн хүн байгаагүй" гэв.