ЦЕГ-аас цаг үеийн нөхцөл байдалтай холбогдуулан мэдээлэл хийлээ. Энэ үеэр ТЦА-ны дарга, хурандаа О.Ганбат "Жагсагчдын эрүүл мэнд, амь настай холбоотойгоор нарийн үзлэгт хамруулах шаардлага үүссэн тул 18:30 цагт суулт хийж байсан 16 иргэнийг ГССҮТ-д, 12 иргэнийг цэргийн төв эмнэлэгт хүргэж, эмчилгээ шинжилгээнд хамруулж байна.

Жагсагчдын хэрэглэж байсан дээл, эсгий, дэвсгэр бусад зүйлсийг гурван автомашинаар ЦЕГ-ын хангалт үйлчилгээний төвийн агуулахад хүргэж, түр хугацаанд хадгалах ажлыг зохион байгуулсан. Иргэдийг баривчлаагүй. Эмнэлгийн байгууллагаас хүний амь нас, эрүүл мэндэд эрсдэл учирч болзошгүй гэж үзсэн учраас тэдгээрийн эрүүл мэндийг хамгаалах, үйл ажиллагаанд нь дэмжлэг үзүүлж ажилласан. Баривчилсан хүн байхгүй" гэлээ.