УИХ дахь АН-ын бүлэг өнөөдөр /2022.08.25/ мэдээлэл хийлээ. Энэ үеэр УИХ-ын гишүүн С.Ганбаатар "Үндсэн хууль гэдэг бол даварсан дарга нарыг боомилно л гэсэн үг. Үндсэн хуулийн 66 дугаар зүйлд УИХ-ын гишүүд, Ерөнхийлөгч, Ерөнхий сайд нарыг яаж шүүх вэ гэдгийг хуульчилсан. Нэг ч иргэн гэж байхгүй. Харин 76 гишүүн иргэдийг яаж шүүх вэ гэдэг хууль гаргадаг. Өнөөдөр хэсэг бүлэг "адууны хулгайч" нийлж байгаад "адууны хулгайн" тухай хуулинд гар дүрчихлээ гэж хэлээд байгаа юм. Монголын ард түмэн бүгдийг харж байгаа. Улс төрийн жүжиг Монгол оронд болчихлоо. Энэнээс гарахын тулд Үндсэн хуулийн эзэн болсон ард түмэн хариуцлагатай харж байгаа" гэв.