Украины Энергодар хотод Запорожье АЦС-ын ойролцоох барилгууд руу тасралтгүй галласны улмаас Европын хамгийн том цөмийн цахилгаан станцад гал гараад байсан юм.

Тэгвэл Украин Улсын онцгой байдлын албанаас өнөөдөр хийсэн мэдэгдэлд Запорожье атомын цахилгаан станцад гарсан галыг бүрэн унтраасан талаар дурджээ.

"Энерходар дахь Запорожье АЦС-ын сургалтын байранд 06:20 цагт гарсан галыг бүрэн унтраасан. Амиа алдсан болон шархадсан хүн байхгүй" гэжээ.

Эх сурвалж: CNN