Хичээлийн шинэ жилийг угтаж Монгол Улсын Ерөнхийлөгч жил бүр үндэсний хэмжээнд радио, телевизээр цахим хичээл заадаг. Харин энэ жил цар тахлын нөхцөл байдлаас шалтгаалж, Ерөнхийлөгч хичээл заахгүй юм байна. Тодруулбал, "Цар тахлын үед хичээл сургууль танхим болон цахим хэлбэрээр орох төлөвлөгөө гарсан тул Ерөнхийлөгч хичээл заахгүй, сургууль цэцэрлэгүүд хичээлийн шинэ жилийн нээлт хийхгүй" гэж БШУЯ-наас мэдээлжээ.
Сануулахад, 2021-2022 оны хичээлийн жилд 81 мянган хүүхэд ерөнхий боловсролын сургуульд элсэн орно. Ингэснээр улсын хэмжээнд 700 гаруй мянган сурагч цахим болон танхимын сургалтаар боловсрол эзэмших статистик гарчээ.
