Монгол Улсын Засгийн газар өнөөдөр хуралдаж, тодорхой хэд хэдэн шийдвэр гаргажээ. Ингэхдээ цэцэрлэгийн 4-5 настнуудын ангийг есдүгээр сарын 1-ээс хосолсон хэлбэрээр эхлүүлнэ хэмээн шийдсэн. Тэгвэл цэцэрлэгийн бага нас буюу 2-3 настнуудын ангийг хэзээ эхлүүлэх талаар БШУ-ы сайд Л.Энх-Амгалан "2-3 настнуудыг цэцэрлэгт бүгдийг нь хамруулахгүй гэж байгаа зүйл биш. Энэ насны хүүхдүүдийн томуугийн вакцинжуулалт, дахин хийх эрсдлийн үнэлгээ зэргийг харгалзан үзнэ. Есдүгээр сарын сүүл аравдугаар сарын эхээр цэцэрлэгийн бага насны хүүхдүүдийн ангийг хэзээ эхлүүлэх талаар тодорхой төлөвлөгөө гаргана" гэлээ.

Ц.Янжиндулам