“AstraZeneca” вакциныг ойрын хугацаандаа нийлүүлэх боломжгүй гэдгээ АНУ Европын Холбоонд мэдэгджээ.

“ЕХ-нд “AstraZeneca” вакциныг нийлүүлэх боломжгүй гэдгээ АНУ бидэнд мэдэгдсэн” хэмээн вакцин нийлүүлэлтийн асуудлаарх хоёр талт яриа хэлэлцээнд оролцогч өндөр албан тушаалтан мэдэгдсэн байна. АНУ ямар учраас ийм шийдвэр гаргасан нь тодорхойгүй байна.

Энэ талаар Их Британи, Шведийн “AstraZeneca” болон АНУ-ын засаг захиргаанаас тайлбар өгөхөөс татгалзжээ.

Харин Америкийн “Johnson & Johnson” компани өмнө нь ЕХ-нд хоёрдугаар улиралд хийх вакцины нийлүүлэлттэд асуудал гарсныг анхааруулжээ. Үүнийг вакцин үйлдвэрлэхэд шаардлагатай найрлага, тоног төхөөрөмж дутмаг байгаатай холбон тайлбарласан байна.