Монголын залуучуудын шигшээ баг AFC U20 Азийн цомын урьдчилсан шатны I хэсгийн тоглолтуудад эх орноо төлөөлөн оролцохоор бэлтгэл сургуулилтаа эрчимтэй үргэлжлүүлж байна.

Тус тэмцээний урьдчилсан шатны I хэсгийн тоглолтууд Монгол Улсад зохион байгуулагдах бөгөөд манай улсын шигшээ баг Хойд Марианы Арлууд болон Гуамын шигшээ багуудтай өрсөлдөнө.

Монголын шигшээ баг эхний тоглолтоо МХБХ-ны Цэнгэлдэх хүрээлэнд 2026 оны наймдугаар сарын 31-нд Хойд Марианы Арлуудын шигшээ багийн эсрэг хийх бол есдүгээр сарын 6-нд Гуамын шигшээ багтай тоглоно. Харин хэсгийн бусад тоглолтуудын нэг болох Гуам–Хойд Марианы Арлуудын тоглолт есдүгээр сарын 3-нд болох юм.