УИХ-ын чуулганы хуралдаанаар 2027 оны төсвийн хүрээний мэдэгдлийг хэлэлцэж байна. Гишүүд асуулт асууж хариулт авч буй бөгөөд УИХ-ын гишүүн Ө.Шижир "Баян айлын хүүхэд шиг урсгал зардлаа тэлээд л байна. Айлаар яривал 1 сая төгрөг олдог хэрнээ 1.5 сая төгрөг зарцуулаад байна. Энэ янзаараа явбал хэдхэн жилийн дараа хөрөнгө оруулалт хийх ямар ч боломжгүй болно.

Төр бүгдийг нь идэж гэдсээрээ таргалаад, иргэдийн амьдрал өдрөөс өдөрт дордож байна. Нийт ААН-ийн 45 хувь нь л үйл ажиллагаагаа явуулж байна" гэж анхаарууллаа.