ЕТГ-ын дарга асан, АН-ын Хяналтын ерөнхий хорооны дарга З.Энхболдод холбогдох хэргийн шүүх хурал таван өдрийн турш үргэлжилж өнөөдөр шийдвэрээ гаргасан. Тодруулбал, хоёр жилийн хорих ял оноож, нийтийн албанд томилогдох эрхийг нь таван жилээр хассан юм.

Дээрх нөхцөл байдалтай холбогдуулан Ардчилсан намаас мэдээлэл хийлээ. Энэ үеэр УИХ-ын гишүүн Л.Мөнхбаясгалан байр сууриа илэрхийлж "З.Энхболд ХЕХ-ны дарга болонгуутаа Ерөнхийлөгч У.Хүрэлсүхийн эсрэг ХҮЧТЭЙ мэдэгдэл хийсний төлөө өнөөдөр ШОРОНД хийж байна. Ерөнхийлөгчид АН-аас нэр дэвших магадлалтай 50 нас хүрсэн хүн бүр дээр Эрүүгийн хэрэг захиалж байна" гэлээ.