Ерөнхийлөгчөөс өргөн мэдүүлсэн "УИХ-ын гишүүнийг эгүүлэн татах" хуулийн санал хураалтыг ирэх пүрэв гараг хүртэл хойшлуулаад байгаа юм. Учир нь ирц хангалтгүй шалтгаанаар АН-ын бүлэг нэг хоногийн завсарлага авсан.

Хуулийн төслийн талаар ЕТГ-ын Хэвлэлийн төлөөлөгч Ц.Ганзориг тайлбар өглөө. Тэрбээр "Ерөнхийлөгчийн санаачилсан хуулийн хүрээнд анх удаа парламентаар ёс зүйг ярьж эхэлж байна шүү дээ. Төрийн тэргүүн энэ хуулийг санаачлахаас өөр аргагүй байсан. Хувь хүн рүү чиглэсэн харилцаа, хандлагын асуудлаас болж хуулийн төслийг өөр тийш чиглүүлж болохгүй" гэв.