АНУ болон Израйл улстай үргэлжилж байгаа зөрчилдөөнийг дуусгах сонирхолтой байгаагаа Ираны Ерөнхийлөгч Масуд Пезешкиан мэдэгдсэн байна. Харин энх тайвныг тогтоохын тулд АНУ-аас баталгаа шаардсан гэнэ. Масуд Пезешкиан Европын зөвлөлийн ерөнхийлөгч Антонио Костатай утсаар ярилцах үеэр ам нээсэн байна. Гэхдээ тодорхой нөхцөлүүдийг хангасан тохиолдолд зогсоох гэнэ. Ираны тал гал зогсоохоос илүүтэй, удаан хугацаанд энх тайвныг баталгаажуулахад чиглэсэн нөхцөл байдлыг шаардаж байгаа.

Харин Европын Зөвлөлийн ерөнхийлөгч Антонио Коста уг ярианы дараа олон нийтийн сүлжээнд байр сууриа илэрхийлсэн ба “Ойрхи Дорнодын өнөөгийн нөхцөл байдал туйлын аюултай түвшинд хүрсэн” гэж анхааруулав. Тэрбээр Ираныг бүс нутгийн улс орнууд руу чиглэсэн довтолгоогоо зогсоож дипломат хэлэлцээнд идэвхтэй оролцохыг уриалсан байна.