Боксын Ази тивийн аварга шалгаруулах тэмцээн энэ жил Монгол Улсын нийслэл Улаанбаатар хотноо зохион байгуулагдаж байгаа. Азийн аваргын тэмцээн өнөөдөр албан ёсоор хөшгөө нээнэ. Манай улсын хувьд өмнө нь хоёр удаа Азийн аваргын тэмцээнийг зохион байгуулж байсан. Харин энэ удаад эрэгтэй, эмэгтэй ангиллыг хамтад нь зохион байгуулж байгаа анхны тохиолдол юм.

Энэ жилийн Азийн аваргад эрэгтэй тамирчид 47-50кг, 55кг 60кг, 65кг, 70кг, 75кг, 80кг, 85кг, 90кг, +90кг-ын жинд өрсөлдөнө. Эмэгтэй тамирчдын хувьд 45-48кг, 51кг, 54кг, 57кг, 60кг, 65кг, 70кг, 75кг, 80кг, +80кг-ын жинд өрсөлдөж аваргуудаа тодруулна.

Азийн боксын эрэгтэйчүүдийн аварга шалгаруулах тэмцээн 1963 оноос хоёр жилд нэг удаа, эмэгтэй тэмцээн 2001 оноос эхэлж 2-3 жил тутам зохиогдож байна.