Үндэсний статистикийн хорооноос 2026 оны нэгдүгээр сарын нийгэм, эдийн засгийн үзүүлэлтийг танилцууллаа. Тухайлбал, өрхийн сарын дундаж орлого 1.9 сая төгрөг болж, өмнөх оны мөн үеэс таван хувиар өссөн байна. Харин өмнөх улирлынхаас 9.5 мянган төгрөгөөр буурсан аж.
Бодит орлогын өсөлтийг төрлөөр нь авч үзвэл, цалин хөлсний орлого 54.1 мянган төгрөгөөр, хөдөө аж ахуйн бус үйлдвэрлэл, үйлчилгээний орлого 17.8 мянган төгрөгөөр, хөдөө аж ахуйн үйлдвэрлэлийн орлого 10.2 мянган төгрөгөөр тус тус нэмэгдсэн нь бодит нийт орлого таван хувиар өсөхөд нөлөөлжээ.
