Монголын Үндэсний Бөхийн Холбооноос гурав дахь удаагаа зохион байгуулж буй Алтан цомын барилдааны нэгдүгээр тойргийн хоёр дахь өдрийн барилдаанд Од групп ХХК-ийн "ОД ГРУПП" баг, М-СИ-ЭС группийн “MCS ENERGY” багтай учраа тааран барилдсанаас “MCS ENERGY” баг 13:12-оор эхний ялалтаа авлаа.
“MCS ENERGY” багт улсын арслан Э.Батмагнай /5/, улсын харцага Ц.Мөнхбаяр /2/, аймгийн хурц арслан Д.Алтанцоож /4/, аймгийн арслан Ц.Төмөрцоож /0/, гуравдугаар тойргоос сэлгээнд сууж, түүний оронд орж барилдсан улсын харцага Н.Золбоо /2/, аймгийн арслан Д.Аззаяа /0/ гуравдугаар тойргоос сэлгээнд сууж, түүний оронд орж барилдсан аймгийн арслан Ч.Алтангэрэл /0/, нийт 13 даваа авсан бол Од групп багт улсын аварга О.Хангай /2/, улсын заан Д.Хүдэрбулга /4/, улсын харцага Г.Ганхуяг /2/, улсын харцага М.Бэлгүтэй /0/ хоёрдугаар тойргоос сэлгээнд сууж, түүний оронд орж барилдсан аймгийн арслан Д.Батбаяр /1/, тавдугаар тойргоос сэлгээнд сууж, түүний оронд орж барилдсан аймгийн арслан Х.Наранбаяр /0/, улсын өсөх идэр начин Б.Түмэндэмбэрэл /3/, нийт 12 даваа авсан юм.
АПУ ХК, Скайтел ХХК-ийн “АПУ, СКАЙТЕЛ” баг Хэрэйд ХХК-ийн “ХҮЛЭГҮ” багтай учраа тааран барилдсанаас АПУ-Скайтел баг 20:5-аар илт давуу ялалт авав.
“АПУ, СКАЙТЕЛ” багт улсын арслан Б.Орхонбаяр /5/, улсын харцага Б.Цэдэнсодном /5/, улсын өсөх идэр начин Ч.Батчулуун /0/, гуравдугаар тойргоос сэлгээнд сууж, түүний оронд орж барилдсан аймгийн хурц арслан Б.Очирхүү /2/, тавдугаар тойргоос сэлгээнд сууж, түүний оронд орж барилдсан аймгийн арслан Т.Төгсдөлгөөн /1/, аймгийн арслан Э.Баасанжав /2/, тавдугаар тойргоос сэлгээнд сууж, түүний оронд орж барилдсан аймгийн арслан О.Баярбаасан /1/, аймгийн хурц арслан Н.Амгаланбаатар /4/, нийт 20 даваа авсан бол Хүлэгү багт улсын заан Д.Анар /1/ гуравдугаар тойргоос сэлгээнд сууж, түүний оронд орж барилдсан аймгийн арслан Е.Көптилек /0/, улсын заан Д.Серик /1/ гуравдугаар тойргоос сэлгээнд сууж, түүний оронд орж барилдсан аймгийн арслан Н.Намнансүрэн /0/, улсын харцага Г.Бадрах /2/, улсын харцага Э.Даш /0/, улсын начин Д.Цэрэнтогтох /1/ нийт 5 даваа авлаа.
Дараагийн барилдаан аравдугаар сарын 31, арваннэгдүгээр сарын 01, 02-ны өдрүүдэд Өсвөр үе, Залуучуудын УАШБ-аар үргэлжилнэ.
