Уулын Карабахын дайны үеийн цэргийн олзлогдогсдоо Армени болон Азербайжан ОХУ-ын энхийг сахиулагчдаар зуучлуулан солилцов. Азербайжаны 12, Арменийн 44 олзлогдогч харьж сураггүй бологсдыг хайх ажил үргэлжилсээр байна.

Талууд хоорондын үл ойлголцол төдийгүй олзлогдсон хүмүүст харгис хэрцгий хандсаны ул мөр нь солилцох ажиллагаанд хүндрэл учруулжээ. Түүнчлэн өнгөрсөн амралтын өдрүүдэд гал зогсоох дэглэм зөрчигдсөн нь Оросын энхийг сахиулагчдад эхний ноцтой сорилт болсон аж. Үүний сацуу Азербайжанд дөрвөн цэргийг баривчилсны хоёр нь Армени дайчдын цогцсыг гутаан доромжилсон, үүнийг нийгмийн сүлжээнд нийтэлсэн, нөгөө хоёр нь Уулын Карабах дахь булшуудыг нураасан хэрэгт холбогджээ.