Өнөөдөр ахмадын баярын өдөр тохиож байна. Ахмад настны баярыг тэмдэглэх шийдвэрийг НҮБ-аас анх 1990 онд гаргасан бөгөөд Монгол Улс 1992 оноос тэмдэглэж иржээ. Жил бүрийн аравдугаар сарын 1-ний өдөр ахмадууддаа зориулж, хүндэтгэлийн арга хэмжээ зохион байгуулдаг билээ.

Ахмадуудтай холбоотой зарим тоон мэдээллийг хүргэхэд, манай улсын нийт хүн амын 9.6 хувь нь 60-аас дээш насны ахмадууд бөгөөд түүний 40.2 хувь нь эрэгтэй бол 59.8 хувь нь эмэгтэй. Ахмадуудын 29.2 хувь нь хөдөө орон нутагт амьдарч буй бол 70.8 хувь нь нийслэлд аж төрж байна.

Сонирхуулахад, Монгол Улсын хамгийн өндөр настан 108 настай ба ахмадуудын дунд Оюунчимэг, Алтанцэцэг, Энхтуяа, Наранцэцэг, Оюунцэцэг гэх нэрүүд хамгийн ТҮГЭЭМЭЛ байна.