Өчигдөр нэгэн хүү цахим хуудастаа "Гар утас, таблетаа дээрэмдүүлсэн" тухайгаа бичлэгээр нийтэлсэн байдаг. Тодруулбал, таблетаа зарахаар зар тавьж, улмаар худалдаж авах болсон иргэний машинд суухад 5 иргэн хамт байсан бөгөөд хүүгийн толгойг цохиж, хутга тулган, таблет утас зэргийг нь дээрэмдээд зугтсан тухай мэдээлсэн юм.

Мөн тэрбээр утсаа зээлээр авсан бөгөөд зээл нь дуусаад дөнгөж сар болж байсан тухайгаа ч мэдээлсэн юм.

Энэ талаар ЦЕГ-аас тодруулахад "Сонгинохайрхан дүүргийн цагдаагийн газрын Хоёрдугаар хэлтэст бүртгэлд авч шалгалтын ажиллагаа явуулж байна" гэлээ.