Байгаль орчин, уур амьсгалын өөрчлөлтийн сайд Б.Батбаатар Өмнөговь аймгийн Говийн бүсийн сум дундын ойн анги, “Говь гурван сайхан” байгалийн цогцолборт газрын хамгаалах захиргаа, Ус цаг уур, орчны шинжилгээний төвийн үйл ажиллагаатай танилцаж, ажилтан, албан хаагчидтай уулзалт хийлээ.

Мөн Өмнөговь аймгийн байгаль орчны салбарын бүх шатны байгууллагын ажилтан, албан хаагчидтай хамтарсан уулзалт зохион байгуулж, уур амьсгалын өөрчлөлт, цөлжилтийн нөлөөллийг бууруулах, байгаль хамгааллын бодлого, хөтөлбөрүүдийг хэрэгжүүлэх чиглэлээр мэдээлэл өгч, тулгамдсан асуудлаар санал солилцлоо.