Өнөөдөр 16:00 цагт Сонсголонгийн зам, Нисэхийн уулзвараас хойш түлш тээвэрлэж явсан автомашин эвдэрч, замын гадаргуу дээр түлш асгарсан нөхцөл байдал үүссэн. Үүнтэй холбогдуулан Нисэхийн уулзвараас Сонсголонгийн зам хүртэлх хөдөлгөөнийг түр хугацаагаар хааж, замын гадаргууг цэвэрлэх ажил явагдаж байна.
Уг саатлаас шалтгаалан Наадамчдын гудамж, Москвагийн гудамж, Энхтайваны өргөн чөлөө замуудын хөдөлгөөнд нөлөөлж ачаалал авсан.
Замын гадаргууг цэвэрлэх ажил 22:00 хүртэл үргэлжлэх тул жолооч та бүхэн бусад замыг сонгон хөдөлгөөнд оролцоно уу.
