УИХ-ын гишүүн Б.Пүрэвдорж Тавантолгой төмөр зам ТӨХК-ийн үйл ажиллагаатай холбогдуулан мэдээлэл хийлээ. Энэ үеэр тэрбээр "МАН манай намтай барьцдаг мөртлөө шинэ ТӨХК дээрээ ийм завхарсан бүтэц хийчихсэн байна. Тавантолгой төмөр зам ТӨХК-д 1000 хүн ажиллаж байхад адилхан хувийн хэвшил нь 280 ажилчинтай. Оффист ажиллаж байгаа 180 хүнийх нь 120 нь Тавантолгой төмөр замаа ч үзээгүй байна. 4-хөн км газарт 1 САЯ ТӨГРӨГӨӨР тээвэр хийж байна" гэв.
