УИХ-ын чуулганаар Засгийн газрын 2024 оны гүйцэтгэлийн тайланг хэлэлцэж байна. Энэ үеэр УИХ-ын гишүүн З.Мэндсайхан Боловсролын сайд П.Наранбаярт хандан "Та сонгон шалгаруулалтгүйгээр 1.2 тэрбум төгрөгийг өөрийн ашиг сонирхол бүхий нөхдөд өгсөн байна. УИХ-ын бүрэн эрхэд халдаж, ТӨСӨВ БАТЛАГДААГҮЙ байхад төсвийн захиран зарцуулах эрхийг шийдэж болохгүй" гэв.
Харин Боловсролын сайд П.Наранбаяр "Ямар нэг байдлаар төсвийг шилжүүлж, хууль зөрчсөн зүйл байхгүй. Ирэх жилийн төсөвт тусгах чиглэлийг бүрэн эрхийнхээ хүрээнд ТНБД-д өгсөн" гэж хариу тайлбар хийлээ.
