НҮБ-ийн цөлжилттэй тэмцэх тухай Конвенцын Талуудын 17 дугаар бага хурал өчигдөр албан ёсоор эхэлсэн билээ. Өнөөдөр буюу хурлын хоёр дахь өдөр олон нийтэд зориулсан Ногоон бүс нээлтээ хийлээ. Нээлтийн үеэр Хөвсгөлийн их тайгын байгаль хамгаалагч Ж.Төмөрсүх илтгэл тавьсан юм. Тэрбээр илтгэлийнхээ үеэр "Би нэг дуран, нэг морь, нэг тэмдэглэлийн дэвтэртэйгээ 39 жил байгаль хамгаалах ажлыг хийж болоод байна. Энд ирсэн хүн бүр 10 секунд төрсөн нутгаа бод. 10 секундэд бүх амьдралын зурвас орж ирнэ" гэв.