Ховд аймагт алга болсон 10 настай охинтой холбоотой эрэн хайх болон мөрдөн шалгах ажиллагаа тасралтгүй үргэлжилж буй талаар ЦЕГ-аас мэдээллээ. Өчигдрөөс эхлэн “…охины цогцос олдсон”, “…хөрш айлуудын нэр бүхий хоёр иргэнийг хорьсон” гэх мэт эх сурвалж тодорхой бус мэдээллүүд цацагдаж эхэлсэн.

Цагдаагийн байгууллагаас өгсөн мэдээллээр, эрэн хайх ажиллагаанд оролцож байгаа хэн нэгнээс тодорхой бус мэдээлэл авах, түүнийгээ нягтлахгүй олон нийтэд түгээж байгаа нь мөрдөн шалгах ажиллагаанд сөргөөр нөлөөлөх, олон нийтэд буруу худал ташаа мэдээлэлд итгэж, чиг үүрэг бүхий байгууллагуудын үйл ажиллагаанд нөлөөлж, буруутгах газар дээр нь очиж шууд дамжуулалт хийж, мэдээлэл өгөхийг шаардах зэрэг асуудлууд гарч байгааг анхаарууллаа. Мөн "Одоогийн байдлаар тус асуудалтай холбоотой нэг иргэнийг цагдан хорьсон" гэлээ.