Авлигатай тэмцэх газраас зарим хэргүүдийг шүүхэд шилжүүлэх саналтайгаар прокурорт хүргүүлжээ. Тухайлбал, "Эрдэнэс Оюу толгой" ХХК-ийн гүйцэтгэх захирал асан Э.Ганхүүд холбогдох албан тушаалын байдлаа урвуулан ашиглаж нэр бүхий компанид 6.5 тэрбум төгрөгийн санхүүжилт олгож эдийн засгийн давуу байдал бий болгосон гэх хэргийн мөрдөн шалгах ажиллагааг дуусгаж, шүүхэд шилжүүлэх саналтайгаар прокурорт хүргүүлсэн байна.