Эрүүл мэндийн сайд асан Л.Гүндалай өөрийн цахим хуудаснаа лайв хийх үеэрээ архи сурталчилсан нь зарим хүмүүсийн шүүмжлэлийг дагуулаад байна. Тухайлбал УИХ-ын гишүүн Ж.Чинбүрэн "Эрүүл мэндийн сайд асан Л.Гүндалай танаас далд хэлбэрээр архи сурталчлахаа болихыг шаардаж байна. Эмчийн дипломтой юм гэсэн.
Цагаан сар бол муу муухайг цээрлэн, сайн сайхныг билэгддэг өв соёл. Сар шинээ эрүүл саруул тэмдэглэдэг болж, архи дарсны хэрэглээ буурч байгаад та бид бачуурах биш баярлах ёстой. Ахмад хүн, Эрүүл мэндийн сайд байсны хувьд элэг бүтэн Монголын дайсан архи сурталчлахгүй байхыг уриалж байна" гэжээ.
