Засгийн газраас Төсвийн тухай хуульд нэмэлт оруулах тухай хуулийн төслийг УИХ-д өргөн барьж, улмаар яаралтай горимоор хэлэлцэхээр болсон. Үүнтэй холбогдуулан Боловсролын сайд П.Наранбаяр "Алдагдалгүй төсвийг хэлэлцэх болов. Боловсрол үүний гадна оршихгүй бололтой. Боловсролын салбарын зарим данхар бүтцийг цомхотгож эхлүүлнэ. Дараа нь багш ажилтны цалинг бууруулахгүй, тодорхой хэмжээнд нэмэхийн тулд бусад зардлыг танах болно. Боловсрол, эрүүл мэнд улсын үндэс" гэх байр суурийг илэрхийллээ.