УИХ-ын 2024.05.16-ны өдрийн чуулганы нэгдсэн хуралдааны үдээс хойших хуралдаан үргэлжилж байна.
Яг одоо Банкны тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслийг хэлэлцэж, УИХ-ын гишүүд асуулт асууж, хариулт авлаа.
УИХ-ын гишүүн О.Цогтгэрэл: Сүүлийн үед банкууд дээр өнөөгийн эрх баригчдын төрийн оролцоо нэлээд нэмэгдсэн. Банкуудын ашигт ажиллагааны орлого өссөн. Нөгөө талд нь төрөөс асар их төсөл, хөтөлбөрүүд зарладаг. Түүний бүх хүүгийн зөрүү, татаасыг төрөөс өгдөг. Одоо сүүлдээ Батлан даалтын сангаас бүх эрсдэлийг төр даана гэчихсэн. Үүний цаана банкууд эрүүл бусаар их наядаар тоологдох орлого олж байна. Банкны тухай хуулийн заалт 2023.12.31-нээр хэрэгжих ёстой атал одоо хүртэл хэрэгжихгүй байна.
