Засгийн газрын өнөөдрийн хуралдаанаар онцгой байдлын албан хаагчдын хувцас хэрэглэл, техникийг нэмэгдүүлэх, мэргэжлийн боловсон хүчнийг нэмэгдүүлэх тухай хэлэлцжээ. Энэ талаар Шадар сайд С.Амарсайхан танилцуулахдаа “Хүн амтай харьцуулахад онцгой байдлын газарт ажиллах ёстой нийт албан хаагчдын тоо 60 хувь дутуу байна. Одоогоор онцгой байдлын 10 албан хаагч тутмын гурав нь бүрэн хамгаалах хувцас хэрэгслээр тоноглогдсон нь үнэн. Арга буюу нөхцөл байдал нь ийм байгаа юм. Гэхдээ нэг дор бүгд гамшгийн голомт руу дайчлагддаггүй учраас сөрөг талаас нь харж болохгүй" гэв.