Засгийн газрын хуралдаанаас гарсан шийдвэрүүдийг танилцуулж байна. Энэ үеэр Сангийн сайд Б.Жавхлан мэдээлэл өглөө. Тэрбээр, "Өнгөрсөн долоо хоногт төсөв батлагдсан. Үүнтэй холбогдуулан, төрийн худалдан авах үйл ажиллагааны дагуу шинээр батлагдсан төсөл хөтөлбөрүүдийн тендерүүд зарлагдана. Ингэснээр ирэх жилийн их бүтээн байгуулалтын ажлууд эхэлнэ гэж ойлгож болно. 2024 оны төсвийн хөрөнгө оруулалтаар нийт 4,9 их наяд төгрөгийн төсөвт өртөг бүхий 692 шинэ төсөл арга хэмжээ эхэлнэ. Тухайлбал,

• Зам тээврийн салбарт 1,5 их наяд төгрөгийн төсөвт өртөгтэй 80 төсөл арга хэмжээ
• Боловсролын салбарт 977 тэрбум төгрөгийн төсөвт өртөг бүхий 173 төсөл арга хэмжээ,
• Соёлын салбарт 153,7 тэрбум төгрөгийн төсөвт өртөг бүхий 44 төсөл арга хэмжээ
• БХБ-ын салбарт 423,9 тэрбум төгрөгийн төсөвт өртөг бүхий 59 төсөл арга хэмжээ
• Эрчим хүчний салбарт 202,3 тэрбум төгрөгийн төсөвт өртөг бүхий 35 төсөл арга хэмжээ
• Эрүүл мэндийн салбарт 398,4 тэрбум төгрөгийн төсөвт өртөг бүхий 784 төсөл арга хэмжээ байна" гэлээ.