Хотын дарга Д.Сумъяабазарын орлогч З.Төмөртөмөө хараагүй иргэдтэй зүй бус харилцсан гэж "Монголын хараагүйчүүдийн үндэсний холбоо"-ноос мэдээлэл хийв. Тус холбооны УЗ-ийн гишүүн Б.Ганзориг "Холбооны байр шавар шавхай ихтэй, хараагүй иргэд зорчиход төвөгтэй. Энэ асуудлыг Хотын даргын орлогч З.Төмөртөөмөө даргад уламжилснаар Азийн хөгжлийн банкны санхүүжилтээр "Цэвэр агаар сан" төслийн хүрээнд тохижилт хийлгэхээр болсон. Бид зураг төслөө өнгөрсөн долоодугаар сарын сүүлээр эцэслэн батлуулсан ч "Цэвэр агаар сан" хугацаа хэтэрсэн тул санхүүжилтийг өгөх боломжгүй гэж хариулсан.
Тиймээс З.Төмөртөөмөө даргад дахин хандахад зураг төслөө удаасан тул боломжгүй гэсэн. Тэгэхээр нь би сошиалд "З.Төмөртөөмөө дарга хараагүй иргэдийг хуурлаа" гэж бичсэн чинь надруу залгаад "Чи аятайхан байгаарай. Чи хүний нүүр харах уу" гэж доромжилсон. Тиймээс эл үйлдэлдээ уучлал гуйх ёстой" гэлээ.
