Өнөөдөр НИТХ-ын ээлжит 19-р хуралдаан хуралдаж Нийслэлийн 2023 оны төсөвт тодотгол хийх эхний хэлэлцүүлэг явж байна. НИТХ-ын төлөөлөгчдийн оролцоо үнэхээр хангалтгүй байна. НИТХ дахь МАН-ын бүлгийн 34 төлөөлөгчөөс 7 цахимаар, 11 биечлэн, 2 гадаад, 1 чөлөөтэй, 13 тодорхойгүй байна.
Гэтэл, Нийслэлийн 2023 төсөв эхний хагас жилийн байдлаар төсвийн орлогын гүйцэтгэл 3,5 хувиар тасарсан ч, 2023 оны төсвийн зарлагыг 11 тэрбум 532.7 сая төгрөгөөр нэмэгдүүлж 1 их наяд 928.2 тэрбум төгрөг болгон төсөөлж батлахаар хэлэлцэж байна.
Нийслэлийн төсвийн тодотголд ОНӨТҮГ болон ХК-ний төсвийг огцом нэмж орж иржээ. Тухайлбал, 1. Улаанбаатар хотын хөгжлийн корпораци ХК-ний үйл ажиллагааны зардлыг 1 тэрбум төгрөгөөр, 2. Бодлогын судалгаа, шинжилгээний төв ОНӨТҮГ-ын төсвийг 2,2 тэрбум төгрөгөөр нэмэгдүүлж орж иржээ.
