НМХГ-аас Сүхбаатар дүүргийн нутаг дэвсгэрт гэрийн нөхцөлд архи, согтууруулах ундааг нэр бүхий компанийн архины шилэнд савлаж худалдаж байсныг НМХГ, ЦЕГ-ын Эрүүгийн Цагдаагийн газрын албан хаагчдын хамтарсан шалгалтаар илрүүлжээ. Тус архийг ямар спиртээр хийсэн, сав баглаа боодол, найрлага зэргийг тодруулахаар Мэргэжлийн хяналтын байгууллагынхан ажиллаж байгаа аж. Иймд иргэд энэ төрлийн бүтээгдэхүүн худалдан авахдаа лацны бүрэн байдал, хаяг шошго, үйлдвэрлэсэн хугацаа, цэвэр байдал, шилний сэв зэргийг сайтар харж найдвартай газраас сонгож авахыг зөвлөлөө.