Бахрайны Манама хотод хүндийн өргөлтийн Ази аварга шалгаруулах тэмцээн болж буй. Тус тэмцээнд манай улсаас 4 тамирчин оролцож байгаа бөгөөд өчигдөр /2022.10.10/ 59 кг-ын жинд "Алдар" спортын хорооны тамирчин ОУХМ Энхбаатарын Энхтамир огцом өргөлтөөр мөнгөн медалийн эзэн боллоо.
Тэрбээр огцом өргөлтөөр 86, 89, 92 кг тус тус өргөсөн юм. Түүний хувьд түлхэлттэй өргөлтөөр эхлээд 106 кг-ыг амжилттай өргөсөн ч сүүлийн 2 оролдлогоороо 112 кг-ыг давж чадаагүй аж.
