Дорноговь аймгийн Биеийн тамир, спортын газрын Спортын ордонд пауэрлифтингийн дэлхийн аварга, гавьяат тамирчин Содномдоржийн Мөнхзулын нэрэмжит Монголын пауэрлифтингийн нэгдсэн холбооны Улсын аварга шалгаруулах тэмцээн гуравдугаар сарын 20-22-ны өдрүүдэд болж байна.

11 дэх удаагийн классик пауэрлифтингийн УАШТ-ий гурав дахь өдөр насанд хүрэгчдийн эрэгтэйчүүдийн 66 кг-д Говь-Алтай аймгийн тамирчин Б.Мягмарцэрэн суултын төрөлд 212.5 кг-ыг өргөснөөр тус жингийн Монгол Улсын дээд амжилтыг шинэчиллээ. Тэрбээр 2022, 2023, 2024 онд энэ жинд дээд амжилтыг шинэчилсэн бөгөөд өнгөрсөн жил бэртлийн улмаас өнжөөд байсан юм.