Хүндийн өргөлтийн насанд хүрэгчдийн УАШТ-ий эмэгтэйчүүдийн +81 кг-ын төрөлд МУГТ М.Анхцэцэг оролцож, алтан медалийн эзэн болжээ. 2024 оны төгсгөлд зодог тайлж буйгаа мэдэгдсэн тэрбээр УАШТ-ий үеэр, олон улсын чанартай тэмцээнд дахиж оролцохгүй. Дотоодын тэмцээнүүддээ оролцоод явна гэдгээ мэдэгдсэн байна.

Тодруулбал тэрбээр, “Миний хувьд дахиж олон улсын тэмцээнд оролцохгүй. Өндөр зэрэглэлийн ачааллыг олон жил авсан тамирчин хүн шууд спортоосоо холдож болдоггүй. Тиймээс тэмцээнд оролцмоор санагдсан үедээ дотоодын тэмцээнүүддээ оролцоно” гэлээ.