"Парис-2024" зуны XXXIII олимпын наадмын хүндийн өргөлтийн тэмцээн үргэлжилж байна. Эмэгтэйчүүдийн 81 кг-ын жинд Монгол Улсын гавьяат тамирчин, дэлхийн аварга М.Анхцэцэг оролцлоо. Тэрбээр огцом өргөлтийн төрөлд 100 кг-ыг, түлхэлттэй өргөлтөөр 125 кг-ыг амжилттай өргөсөн юм.
Гэвч түүний хувьд олимпын наадмын өмнө мөрөндөө бэртэл авсан тул ийнхүү тэмцээнээ өндөрлүүлэхээр болж, түлхэлттэй өргөлтийнхөө 3 дахь оролдлогоос өөрийн хүсэлтээр татгалзлаа.
Түүний өмнө нь үзүүлсэн амжилтуудаас дурдвал:
2014 оны Өсвөрийн Азийн АШТ-ээс мөнгөн медаль, Залуучуудын Азийн АШТ-ээс хүрэл медаль
2015 оны Дэлхийн цомоос хүрэл медаль,
2016 оны Залуучуудын ДАШТ-ий алтан медаль
2016 оны Насанд хүрэгчдийн Азийн АШТ-ий аварга, "Рио-2016" олимпын наадмын шагналт 8-р байр
2016 оны Залуучуудын Азийн аварга, Оюутны ДАШТ-ий алтан медаль
2017 оны Залуучуудын Азийн АШТ-ий аварга
2017 оны Азийн танхимын болон тулааны спортын наадамд түрүүлсэн
2017 оны Насанд хүрэгчдийн ДАШТ-ээс хүрэл медаль,
2019 оны Насанд хүрэгчдийн Азийн АШТ-ээс мөнгөн медаль,
2019 оны Насанд хүрэгчдийн ДАШТ-ээс хоёр дахь хүрэл медаль
2019 оны Дэлхийн цомын аварга
2021 оны Азийн АШТ-ий хүрэл медаль
2021 оны ДАШТ-ээс алтан медаль тус тус хүртжээ.
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!