Түлхүүр мэдээлэл:

• 2-3 долоо хоногийн дараа Европ болон Австралид нээлтэй хийнэ.
• Уг апп Ковид-19 халдварын тархалтыг хянах зорилготой хийгджээ.
• Зорилтот хэсгийн 80 хувь нь ухаалаг утастай хэрэглэгчид байна.

Ковид-19 халдварын контакт хайх программууд ойрын 2-3 долоо хоногт багтан Европ болон Австралид нээлтэй хийх гэж байгаа тухай холбогдох албаныхан нийтэд зарлалаа

ХБНГУ-ын Эрүүл мэндийн сайд Йенс Спахн апп-ийг 3-4 долоо хоногийн дараа хэрэглэгчдэд шууд татан ашиглах боломжтой болж байгааг мэдэгдэв.

Австралийн ерөнхий сайд Скотт Моррисон "уг апп-ийг ашиглах нь хүмүүсийн сайн дурын хэрэг юм. Заавал татан авч ашиглах ёстой гэж тулгахгүй. Гэхдээ та энэ апп-ийг ашиглавал хэн нэгний амийг аврахад туслаж байна гэсэн үг юм." хэмээн хэлжээ.

Уг апп нь тантай ойрхон байгаа хүнийг тэмдэглэхдээ Bluetooth  эсвэл хиймэл дагуулын байршлын өгөгдлийг ашигладаг. Хэрэв апп-д бүртгэгдсэн хэн нэгэнд Ковид-19  халдвар илэрсэн тохиолдолд апп-д мэдэгдэл ирэх юм.

NHS Ковид-19 халдварын програмын  зорилтот хэсгийн  80% нь ухаалаг гар утастай хэрэглэгчид юм. Эрх баригчдын зүгээс ийм хянах технологи нь хэдий Ковид-19 халдварын тархалтыг хянах боломжтой ч нөгөө талаар буруугаар ашиглах магадлалтай гэсэн болгоомжлолтой байна.

                                                                                                                                                                                                                                                                                 Эх сурвалж: BBC 

                                                                                                                                                                                                                                                                                 Орчуулсан: Н.Мөнхзаяа