УИХ-ын зарим гишүүн Ерөнхий сайд Л.Оюун-Эрдэнэд шаардлага хүргүүлж буй талаараа мэдээлэл хийлээ.
УИХ-ын гишүүн С.Ганбаатар "Ерөнхий сайд Л.Оюун-Эрдэнэ махаа цулгааж байна даа. Ядарч байх шиг байна. Энэ 65 хүн барьж идэх гэж байна. Энэ хоёр яам л байхгүй бол Монгол Улсын хөгжил явахгүй нь гэсээр байгаад Ерөнхий сайд Л.Оюун-Эрдэнэ хоёр яамыг оруулж ирээд УИХ-аар батлуулсан. Гэтэл хагас жил өнгөрчихөөд байхад сайдтай, сайдгүй Монголын амьдрал яваад л байна. Сайдын төлөө нүдээ өгөхөөс буцахгүй фракцуудын зодооноо дийлэхгүй эрх баригчид ИЧИГ ИЧИГ. Одоо бүх зүйл нь бэлэн байхад сайдууд нь томилогдоод ажилдаа ормоор байна. Ард түмний амьдрал хэцүүдэж байна. Хил гааль гацаанд орчихлоо. Энэ тэнэг байдлаа засна гэж Ерөнхий сайд амалж байж томилогдсон. Ардын нам уйлан дуулсаар байж сонгогдсон. Одоо ажлаа хий. Дотоод зодооноо хойшоо тавь" хэмээлээ.
