Манай улс 2023 он хүртэл ам, доллараар ОХУ-аас шатахуун нефтийн бүтээгдэхүүн авах гэрээтэй. Түүнээс өмнө ГХЯ-аар дамжуулан рубль болгон шилжүүлэх боломж байгаа эсэхийг тодруулсан сэтгүүлчийн асуултад Ерөнхий сайд Л.Оюун-Эрдэнэ "ОХУ-тай рублээр своп хэлцэл хийх асуудлыг тавьсан. Бусад улс орнууд ч ийм байдал руу шилжиж байна. Хэрвээ энэ своп хэлцэл амжилттай болж чадвал урсан гарч байгаа ам, доллар болон вальютын нөөцөө тодорхой хэмжээнд барих нөхцөл байдал үүсч чадна" гэлээ.